ما أفتكرش إن في طرد بريدي أغرب من الطرد ده
"ماي بيرستورف .. May Pierstorff"
طفلة كان سنها أربع سنوات.. وكانت مع أبوها وأمها في جرانجفيل "grangeville"
والديها كانوا عايزينها تزور جدها وجدتها، لكن ما كانوش يقدروا يدفعوا تكاليف تذكرة القطر، خصوصا إنهم عشان يبعتوا طفلة لوحدها هيضطروا يقطعوا تذكرة كاملة
ففكروا في فكرة ارسالها بالبريد، خصوصا إن وزن الطفلة 48.5 باوند، وده معناه إنها ما عدتش الحد المسموح به للطرود واللي كان 50 باوند!!
ولما بدأوا في الإجراءات.. مسئول البريد راجع اللوائح، واللي كان فيها منع ارسال الحشرات والحيوانات الحية والطرود اللي ريحتها كريهة.. لكن ما كانش في لائحة تمنع إرسال أطفال
اشتروا طابع البريد بتكلفة 53 سنت، ولصقوه على هدوم "ماي"، وسافرت الطفلة المسافة من بلدها لحد لويستون "Lewiston" في قطر البضائع مسافة 75 ميل
والبوسطجي "ليونارد موشيل" سلمها لجدتها في البيت في 19 فبراير 1914.. واللي ما رضيش إنها تبات في المكتب مع باقي (الطرود) لحد تاني يوم، وراح سلمها بنفسه لجدتها
القصة كلها ما لفتتش الأنظار إلا سنة 1997 لما تم نشرها في كتاب اسمه Mailing May لـ "مايكل تانل Michael O. Tunnell"
له في خلقه شئون!!
ردحذف